थप समाचारबुधबार, कार्तिक ११, २०७२

१६ लाख नगदसहित जुवाडे पक्राउ

हिमालखबर

juwadeप्रहरीले झापाको बिर्तामोड १ का खगेन्द्र प्रसाइँको घरबाट १६ लाख नगद सहित १८ जुवाडेलाई पक्राउ गरेको छ ।

१० कार्तिक राति समातिएका जुवाडेहरुमा कनकाई नगरपालिका– २ का देवेन्द्र रिसाल (३०), कनपा ३का सागर थापा (३०), भरत ढकाल (४०), प्रकाश श्रेष्ठ (४२) , देबिलाल गर्ग (४०), नबिन शिबाकोटी २१, बिर्तामोड नपा– ६ का डलकुमार राई (३२) र सनम हलवाई (२८) छन् ।

यसैगरी इटहरी– १ का रुपेश शर्मा बजगाँई (३८) , इटहरी–४ का गुणराज राई (३४), लौकही–३ का अभिषेक कुमार यादव (२१), कोशी हरैंचा–८ मोरङका रोहन चौधरी (३८), धरान–१३ का रबि कुमार राई (३३), बिराटनगर– ३ का मनोज केसी (४१), बिराटनगर–४ का लक्ष्मी पराजुली (३४), उर्लाबारी– १ का सुरेश शाक्य (३७), उर्लाबारी– ३ का कृष्ण अधिकारी (४०) र उर्लाबारी– ६ का अर्जुन तुम्रुक (४१) पनि पक्राउ परेका छन् ।

उनीहरुका साथबाट १६ थान कौडा, १६ लाख १२ हजार ९६० नगद, २३ वटा मोबाइल फोन समेत बरामद गरेको बिर्तामोड प्रहरीले जनाएको छ ।

प्रसाईको घरको दोस्रो तल्लामा टीका ओलीले भाडामा लिएको कोठामा जुवा खेल्दैगर्दा उनीहरु समातिएका हुन् ।

उनीहरुलाई तास जुवा नियन्त्रण ऐन अन्तरगत कारबाही अघि बढाइएको छ ।

गोपाल गडतौला, झापा

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...