सदभावना पार्टीका अध्यक्ष राजेन्द्र महतोले पहाडीको बाहुल्यता भएका कारण झापा, मोरङ र सुनसरीलाई मधेश प्रदेशबाट अलग गराउन नमिल्ने बताएका छन् ।

बाराको जीतपुरमा आयोजित सभालाई सम्वोधन गर्दै अध्यक्ष महतोले झापा, मोरङ र सुनसरी मधेशको भूभाग भएको दाबी गर्दै थपे, “जो मधेशीसँग बस्न रुचाउँदैन त्यो समुदाय जहाँबाट आएको हो उतै फर्के हुन्छ ।”

मधेशमा ५० वर्ष पहिले पहाडी समुदायका मानिसहरु ६ प्रतिशत मात्रै रहेको दाबी गर्दै महतोले भने, “आज ३६ प्रतिशत पुगिसके, मधेशीले सहेकै छन तर, सरकार भने हाम्रो माग दबाउने प्रयासमा छ ।”

उनले अंगिकृत नागरिकताको मुद्दालाइ गलत ब्याख्या गरेर सरकारले भ्रम सिर्जना गरेको भन्दै बिदेशीलाइ अंगिकृत नागरिकता दिएर सरकार र राष्ट्र प्रमुख बनाउनु पर्छ भन्ने आफ्नो माग नरहेको बताए ।

विदेशबाट विवाह गरी नेपाल आएका महिलाहरुलाई अधिकार सम्पन्न नागरिकता दिनु पर्ने मात्रै आफ्नो माग रहेको उनले बताएका थिए ।
श्याम गुप्ता, बारा

प्रतिकृया दिनुहोस