संघीय समाजवादी फोरम नेपालका अध्यक्ष उपेन्द्र यादवले आज, १२ कात्तिकमा हुने वार्तामा सरकारी टोली प्रदेश सीमाको परिवर्तनका लागि तयार नभए वार्ता भंग हुने बताएका छन् ।

१२ कात्तिकमा राजविराजमा पत्रकार सम्मेलन गर्दै अध्यक्ष यादवले वार्ताको नाममा सरकारले नाटक गरिरहेको आरोप लगाए ।

उनले भने, “धेरै पटक वार्ता भए, आज पनि वार्ता हुने भनिएको छ तर, सरकारी पक्ष ठोस रुपमा प्रस्तुत नभए अब अर्काे चरणको वार्तामा मधेशी मोर्चा बस्दैन् ।”

परराष्ट्र मन्त्री समेत रहिसकेका यादवले सरकार कहिले चीनतिर झुकेर भारतलाई बदनाम गराउने त कहिले भारततर्फ झुकेर चीनलाई बदनाम गराउने खेलमा लागेको अरोप लगाउँदै अहिले सन्तुलित कुटनीतिको आवश्यक्ता रहेको बताए ।

उनले प्रमुख दलका नेताहरुले राष्ट्रिय एकतालाई कमजोर बनाइरहेको समेत आरोप लगाएका थिए ।

मधेशी मोर्चा र सरकारी वार्ता टोली बीच आज काठमाडौंमा वार्ता हुने कार्यक्रम तय भएको छ ।
श्रवणकुमार देव, राजविराज

प्रतिकृया दिनुहोस