उपराष्ट्रपति चयनका लागि व्यवस्थापिका–संसद् भवन, नयाँ बानेश्वरमा मतदान गर्न लाइनमा लागेका प्रधानमन्त्री केपी शर्मा ओलीलगायतका नेताहरु । तस्वीर: प्रदीपराज वन्त, रासस

उपराष्ट्रपति पदका लागि व्यवस्थापिका संसदमा १४ कात्तिक बिहान ११ बजेबाट शुरु भएको मतदान अपरान्ह २ बजे सकिएको छ ।

निर्वाचनमा ५४६ मत खसेको संसद सचिवालयले जनाएको छ ।

सचिवालयका अनुसार मतदानमा एमाले सांसद प्रभादेवी बज्राचार्यसहित मधेशवादी दलका गरी ५१ जना सांसद अनुपस्थित रहे ।

निर्वाचनमा सत्ता साझेदार दलहरूको तर्फबाट एमाओवादीका नन्दबहादुर पुन र प्रतिपक्षी कांग्रेसका अमियकुमार यादव मैदानमा छन् ।

निर्वाचनबाट सत्ता साझेदार दलका पुन निर्वाचित हुने संभावना अत्यधिक छ ।

सचिवालयका अनुसार उपराष्ट्रपति निर्वाचनको मत परिणाम आजै साँझ ५ बजे बस्ने संसद बैठकमा घोषणा हुँदैछ ।
——————————————————————————————————————

उपराष्ट्रपति पदका लागि मतदान शुरु

उपराष्ट्रपति पदका लागि व्यवस्थापिका संसदको लोत्से हलमा बिहान ११ बजेबाट मतदान शुरु भएको छ ।

निर्वाचनमा सत्ता साझेदार दलहरूको तर्फबाट एमाओवादीका नन्दबहादुर पुन र प्रतिपक्षी काँग्रेसका अमियकुमार यादव मैदानमा छन् ।

पुन माओवादी लडाकुका पूर्व कमाण्डर हुन् भने यादव लामो समयदेखी कांगे्रसको राजनीतिमा सक्रिय रहेका समानुपातिकतर्फका सांसद हुन् ।

पुनको प्रस्तावमा एमालेमा सांसद झलनाथ खनाल र समर्थका राप्रपा नेपालका दिलनाथ गिरी रहेका छन् । भने यादवको उम्मेदवारीको प्रस्तावकमा कांग्रेस सचेतक चीनकाजी श्रेष्ठ र समर्थकमा ईश्वरी न्यौपाने रहेका छन् ।

निर्वाचित हुनका लागि संसदमा हाल कायम रहेको ५ सय ९७ मत मध्ये कम्तीमा २ सय ९९ मत आवश्यक पर्नेछ ।

राष्ट्रपतिको जस्तै उपराष्ट्रपतिका लागि पनि गोप्य मतदान भईरहेको छ ।

२ बजेसम्म चल्ने मतदान कार्यक्रम पश्चात साँझ ५ बजे बस्ने व्यवस्थापिका संसद बैठकमा मत परिणाम घोषणा गरिने संसद सचिवालयले जनाएको छ ।
कपिल भट्ट, काठमाडौं

प्रतिकृया दिनुहोस