प्रहरी हस्तक्षेप गरी वीरगञ्जको रक्सौल नाका खुलाउँदै भारतीय गाडीहरु पठाइएपछि अहिले स्थानीय प्रशासनबीच वार्ता भइरहेको छ ।

नेपालतर्फ रोकिएका भारतीय गाडीहरु पठाइएपछि भारततर्फ रोकिएका गाडी नेपाल ल्याउने तयारीबारे दुई देशका स्थानीय प्रशासनका उच्च अधिकारीहरुबीच वार्ता भइरहेको छ । भारतीय गाडी चालकहरुले ९ कात्तिकदेखि वीरगञ्जस्थित भारतीय महावाणिज्य दूतावास अगाडि धर्ना दिएपछि दुई देशको स्थानीय प्रशासनको सहमतिमा प्रहरी हस्तक्षेप गरी नाका खुलाइएको हो ।

विहान ४ बजे नै आन्दोलनकारीहरुलाई सुतिरहेको ठाउँबाट प्रहरीले हटाउँदै झण्डै ३ सय हाराहारीमा भारतीय गाडी नाका कटाएको छ । प्रहरी स्रोतका अनुसार नेपालले भारततर्फ जाने गाडी नाका कटाइदिएमा भारतीय प्रशासनले पनि नेपालतर्फ आउने गाडी नाका कटादिने समझदारी भएको छ ।

वीरगञ्जका प्रहरी प्रमुख एसपी राजुबाबु श्रेष्ठका अनुसार वार्ता सकिएपछि भारततर्फ रोकिएका गाडी नेपाल आउने वातावरण बन्नसक्छ ।

-राजु श्रेष्ठ, वीरगञ्ज

प्रतिकृया दिनुहोस