थप समाचारसोमबार, कार्तिक १६, २०७२

भारत बाहेकका देशबाट आएको गाडी रोकियो

हिमालखबर

unnamedपूर्वको पानीटंकी सीमा नाकाबाट भारत बाहेकका मुलुकबाट आउने सामान रोकिएको छ ।

मेची भन्सार कार्यालय काँकडभिट्टाका प्रमुख भिम अधिकारीका अनुसार दुई सातादेखि नेपाल छिर्ने पालो पर्खिएर बसेका ३ सय कन्टेनर भारतको पानीटंकीमा थन्किएका छन् ।

ती कन्टेनरमा चीन, अफ्रिका, इण्डोनेसिया, मलेशिया, सिंगापुर लगायतका मुलुकबाट आएका सामान रहेको अधिकारीले बताएका छन् । कोलकाता बन्दरगाहमा अनलोड भई नेपालका लागि हिडेका ती कन्टेनरमा धेरैजसो औद्योगिक कच्चा पदार्थ रहेको बताइएको छ ।

भारतीय सीमा सुरक्षा बलले २ कात्तिकदेखि रोकेका ती कन्टेनरको लाम भारतको पानीटंकी—सिलिगुढी सडकमा करिब सातकिलोमिटर टाढासम्म पुगेको छ ।
यसैबीच, पानीटंकी भन्सार नाकाबाट आज ३६ वटा मालबाहक ट्रक नेपाल छिरेका छन् । ती मध्ये एउटा हवाई इन्धनको ट्यांकर रहेको छ । बाँँकी आलु, प्याज, माछालगायतका सामाग्री भरिएका ट्रक रहेको मेची भन्सारले जनाएको छ ।

इन्धन भर्नको लागि आज भारत गएका अरु १९ वटा ट्यांकरमा पनि भारत जनलाईगुढीको न्युजलपाईगुढी डिपोले लोड दिएको आयल निगम स्रोतले बताएको छ । ती मध्ये १३ वटा डिजेल, पाँच वटा पेट्रोल र एउटा मट्टितेलका ट्यांकर रहेका छन् । भरिएका ट्यांकरहरु १६ कात्तिक रातिसम्ममा नेपाल भित्रिने भन्सार अधिकारीहरुले बताएका छन् ।

–गोपाल गडतौला, झापा

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...