नेत्रविक्रम चन्द नेतृत्वको नेकपा माओवादीले भारतले अघोषित नाकाबन्दी गरेर नेपालको राष्ट्रियता, राष्ट्रिय अखण्डता र स्वाधीनतामाथि हस्तक्षेप गरेको जनाएको छ ।

माओवादी महासचिव नेत्रविक्रम चन्दले १७ कात्तिकमा विज्ञप्ति जारी गर्दै नाकाबन्दी भूपरिवेष्टित देशको विशेषाधिकार, राष्ट्रसङ्घीय सम्मेलनबाट पारित कानुन, विश्व व्यापार सङ्गठन कानुन, नाकाबन्दीपछि भएको पारवहन सन्धि, नेपाल–भारत द्विपक्षीय व्यापार सन्धि, एशियाली महादेशको कानुन, सार्क सदस्यताको हैसियत र स्वतन्त्र बजारको सुनिश्चितता गर्ने बिमस्टेक कानुन विपरीत रहेको उल्लेख गरेका छन् ।

माओवादीले भारतसँगको खुला सीमामा नियमन गर्न, प्रवेश अनुमतिपत्र र श्रम इजाजत पत्र लागू गर्न र सीमा क्षेत्रमा सुरक्षा बल परिचालन गर्न समेत माग गरेको छ ।

भारतले लगाएको नाकाबन्दी तथा कालोबजारी र भ्रष्टाचारका विरुद्ध तिहारलगत्तै आन्दोलन गर्ने विज्ञप्तिमा उल्लेख छ ।
रासस

प्रतिकृया दिनुहोस