थप समाचारमंगलबार, कार्तिक १७, २०७२

ग्यास कालोबजारी गर्ने ब्यापारी पक्राउ

हिमालखबर

एलपी ग्यासको कालोबजारीमा संलग्न झापा काकडभिट्टाका ब्यापारी पुण्य उप्रेतीलाई जिल्ला प्रहरी कार्यालय झापाले पक्राउ गरेको छ ।

तोकिएको भन्दा बढी मूल्य लिएर त्रिशक्ती ग्यास बिक्री गरेको आरोपमा १७ कात्तिकमा उप्रेती पक्राउ परेको जिल्ला प्रहरी कार्यालय झापाले जनाएको छ ।

उनको ग्यास गोदाममा समेत सिलबन्दी गरेको जिल्ला प्रहरी कार्यालय झापाका नायब उपरीक्षक भीम दाहालले जानकारी दिए ।

यसैबीच ग्यास बिक्रेता संघ, झापाले तोकिएको भन्दा बढता मूल्य नलिन र नयाँ सिलिण्डर नबेच्न बिक्रेताहरुलाई भनेको छ ।

संघले १७ कात्तिकमा बिज्ञप्ति जारी गरी ग्यासको अनावश्यक भण्डारण नगर्न बिक्रेता र उपभोक्तालाई अनुरोध गरेको हो ।

भारतीण्य नाकाबन्दीका कारण ग्यासको नियमित आपूर्ति नहुँदा कतिपय बिक्रेताहरुले प्रति सिलिण्डर रु ५ हजार लिई बिक्री गरेको पाइएको छ ।

बिक्रेताहरुले ग्यासको कालोबजारी गरेको सूचना पाएपछि अनुगमन शुरु गरिएको झापाका प्रमुख जिल्ला अधिकारी तेजप्रसाद पौडेलले बताए ।

उनले लामो दुरीका बसका डिकीमा सिलिण्डर हालेर ओसारपसार गरिरहेको सूचना पाएकाले बसहरुमा जाँच शुरु गरिएको पनि जानकारी दिए ।

झापामा मासिक एकलाख सिलिण्डर ग्यासको खपत रहेको संघले जनाएको छ ।
गोपाल गडतौला, झापा

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...