खेलकुदबुधबार, कार्तिक १८, २०७२

लमजुङमा सम्पन्न अल्ट्राम्याराथनमा पास्कल विजयी

हिमालखबर

अन्तर्राष्ट्रिय म्याराथनमा पुरुषतर्फ प्रथम हुने पास्कल । तस्वीर: युवराज श्रेष्ठ

अन्तर्राष्ट्रिय म्याराथनमा पुरुषतर्फ प्रथम हुने पास्कल । तस्वीर: युवराज श्रेष्ठ

लमजुङमा सम्पन्न अन्तर्राष्ट्रिय स्तरको ‘नेपाल अल्ट्रा म्याराथन’ प्रतियोगितामा पुरुषतर्फ स्विट्जरल्याण्डका पास्कल मारमियर प्रथम भएका छन् ।

सय किलोमिटरको दुरी १२ घण्टा ३३ मिनेट १८ सेकेन्डमा पार गरेर पास्कल प्रथम भएका हुन् ।

त्यसैगरी बेलायतका रोलो गायनजोन्स द्वितीय र फ्रान्सका पिर्रे पेनिकाउन तृतीय भएका छन् ।

सय किलोमिटर दुरीको दौडमा महिलातर्फ बेलायतका इन्ली ब्रोसल्यान प्रथम भएकी छन् । उनले १७ घण्टा २ मिनेट ४४ सेकेन्डमा दुरी पार गरेकी थिइन । त्यसैगरी बेलायतकै चार्लोटी जेफेरिज द्वितय र फोवे सिर्स तृतीय भएका छन् ।

यस्तै ६० किलोमिटर दुरीको दौडमा पुरुषतर्फ फ्रान्सका गुलोमी वेसन प्रथम भएका छन् ।

उनले ८ घण्टा ३ मिनेट ६ सेकेन्डमा दुरी पार गरेका थिए । सो दौडमा बेलायतका म्याथन स्कीज द्वितीया र फ्रान्सका पिर्रे भिल्ला तृतीय भए ।

६० किलोमिटरकै महिलातर्फ हङकङकी जोनमी हो प्रथम भइन् । उनले ९ घण्टा ११ मिनेट ४४ सेकेन्डमा दुरी पार गरेकी थिइन । त्यसैगरी हङकङकी एलेक्सजेनड्रा डि रोजा द्वितीय र कोनी मा तृतीय भए ।

विदेशी मात्र सहभागी रहेको प्रतियोगितामा २५ देशका ५१ धावक सहभागी थिए ।

प्रतियोगिता एक्सन एशिया र हिमालयन ट्रेल्सको संयुक्त आयोजनामा भएको थियो ।

प्रतियोगितामा अमेरिका, बेलायत, फ्रान्स, स्पेन, फिलिपिन्स, जर्मन, भारत, हङकङ, सिङ्गापुर लगायतका देशका धावकहरु सहभागी रहेको हिमालयन ट्रेल्सका अंकित रायमाझीले जानकारी दिए ।
युवराज श्रेष्ठ, लमजुङ

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...