मधेश केन्द्रित दलको जारी आन्दोलन सम्बन्धमा छलफल गर्न प्रधानमन्त्री निवास बालुवाटारमा १८ कात्तिक राति अबेरसम्म बसेको तीन दलको बैठक बिनानिष्कर्ष सकिएको छ ।

बैठकमा विनाशकारी ‘गोरखा भूकम्प’पछिको पुनःनिर्माण प्राधिकरण गठन गर्ने विषयमा पनि छलफल भएको थियो ।

अघिल्लो सरकारले पुनःनिर्माण प्राधिकरण अध्यादेश ल्याए पनि त्यसको अवधि सकिएपछि पुनः निर्माणका कामले गति पाउन सकेको थिएन ।

यसबारे सरकारले संसद्मा नयाँ विधेयक ल्याउनुपर्नेछ । गत वैशाख १२ को विनासकारी भूकम्पपछि सो प्राधिकरण गठनमा तीन दलबीच विगतमा सहमति भएको थियो ।

सरकारले राष्ट्रिय महत्वका सवालमा प्रतिपक्षी दल नेपाली कांग्रेससँग पनि छलफल गर्दै जाने क्रममा बैठक गरिएको र आगामी दिनमा पनि यस्ता छलफल कायम राख्ने गरी बैठक सकिएको प्रधानमन्त्रीका प्रेस सल्लाहकार प्रमोद दाहालले जानकारी दिए ।

नयाँ सरकार बनेपछि राजनीतिक समस्या समाधानबारे आज पहिलो पटक प्रमुख तीन दलका शीर्ष नेताको बैठक बसेको हो ।

बैठकमा सरकारको नेतृत्व गरिरहेको नेकपा एमाले, प्रमुख प्रतिपक्षी नेपाली कांग्रेस र एमाओवादीका नेता सहभागी थिए ।

प्रतिकृया दिनुहोस