नेपाली कांग्रेसका नेता पूर्ण बहादुर खड्काले ओली सरकारको साँचो नेपाली कांग्रेसको हातमा रहेको दाबी गरेका छन् ।

१९ कात्तिकमा बाँकेको कोहलपुरमा आयोजित शुभकामना आदानप्रदान कार्यक्रममा खड्काले कांग्रेसको सहयोग बिना सरकारले कानून निर्माण, संविधान संशोधनलगायतका काम गर्न नसक्ने भन्दै साँचो कांग्रेसको हातमा रहेको बताएका हुन् ।

पूर्व गृहमन्त्री समेत रहेका खड्काले मधेशको समस्या समाधान साथै अन्य चुनौतिहरुको सामानका लागि सबै दलहरु एक हुनु पर्नेमा जोड दिए ।

उनले पार्टी सभापति सुशील कोइरालाले प्रधानमन्त्री पदमा उम्मेदवारी दिनु गलत भएको भन्दै त्यसै कारण आफूले सह–महामन्त्री पदबाट राजीनामा गरेको दोहोर्‍याएका थिए ।
केशव राना, बाँके

प्रतिकृया दिनुहोस