तस्वीर: सुरेश बिडारी

वीरगन्जमा १९ कात्तिक दिनभर स्थानीय प्रशासनले कर्फ्यू हटाएको छ ।

जिल्ला सुरक्षा समितिको बैठकले बेलुकी आठ बजे सम्मका लागि कर्फ्यू हटाउने निर्णय गरेको पर्साका सहायक प्रमुख जिल्ला अधिकारी अनुज भण्डारीले जानकारी दिए । बेलुकी आठ बजेपछि भने कर्फ्यू जारी रहने छ ।

१६ कात्तिकमा वीरगञ्जमा भएको हिंसात्मक प्रदर्शनमा एकजना भारतीय नागरिकको ज्यान गएपछि अपराह्न ३ बजेदेखि लगाइएको कर्फ्यू यसअघि १७ कात्तिक विहान केही बेर र १८ कात्तिकमा बिहान साढे ८ बजे देखि बेलुकी सात बजेसम्म हटाइएको थियो ।

आज वीरगञ्ज दिनभर नै शान्त रह्यो, कुनै जुलुश प्रदर्शन भएन भने सडकमा रिक्सा टाँगा निर्वाध चलेका छन् । पसलहरु पनि आंशिक रुपमा खुले ।

वीरगञ्ज–रक्सौल सीमाक्षेत्रमा मधेशी मोर्चाको धर्ना भने ४३ दिनदेखि जारी छ ।

यसैबीच संयुक्त लोकतान्त्रिक मधेसी मोर्चा बाराले १६ कात्तिकमा प्रहरीसँगको झडपमा ज्यान गुमाएका भारतीय युवक आशिष रामको परिवारलाई नगद सहयोग गरेको छ ।

मोर्चा बाराका नेताहरुले मृतक आशिष रामका आफन्तलाई भेटेर नगद १६ हजार नेपाली रुपैयाँ सहयोग गरेका हुन् ।
सुरेश बिडारी, वीरगञ्ज

प्रतिकृया दिनुहोस