नेपाली कांग्रेसका नेता गगन थापाले मधेशमा जारी आन्दोलन नरोकिएसम्म नाकाबन्दी नहट्ने बताएका छन् ।

प्रेस युनियन धनकुटाले गरेको कार्यक्रममा बोल्दै नेता थापाले भने, “काठमाडौंमा तिखो बोल्दैमा मधेशको आन्दोलन टुंगिदैन, प्रधानमन्त्रीले वार्ता सार्थक बनाउनतिर लाग्नुपर्छ ।” उनले वार्ताको माध्यमबाट मधेशको समस्या हल गर्नुपर्ने बताए ।

उनले भने, “मधेशका जनतालाई सम्झाएमा भारतले नाकाबन्दी गर्न सक्दैन ।” उनले मधेश केन्द्रित दलहरुलाई पनि जनताको आवाजमा संसदमा उठाउन आग्रह गरे ।

“जनतालाई धेरै दुख दिनु राम्रो होइन”, थापाले भने, “माग राख्ने ठाउँ हुँदाहुँदै जनजीवनलाई सास्ती पुग्ने काम गर्नु हुँदैन ।”

-सन्तोष रुचाल, धनकुटा

प्रतिकृया दिनुहोस