रमझममंगलबार, कार्तिक २४, २०७२
नेपाली अमेरिकन कलाकार संघमा नयाँ नेतृत्व
नेपाली अमेरिकन कलाकार संघ नर्थ अमेरिकाको अध्यक्षमा गायक सुमन बुढा मगर चयन भएका छन् । न्यूयोर्कमा सम्पन्न महाधिवेशनबाट संघको वरिष्ठ उपाध्यक्ष बिक्रान्त बस्नेत, उपाध्यक्षहरुमा तिलक श्रेष्ठ, मीरा गुरुङ र पबिता परियार र
महासचिवमा अभय ढुड्गेल निर्वाचित भएका हुन ।
यस्तै संघको नवनिर्वाचित सचिवमा राजेन्द्र राई, सह–सचिवमा गीता बिर्लाकोटी, कोषाध्यक्षमा जाङ्वु शेर्पा, सह–कोषाध्यक्षमा बसन्ती राई, मिडिया को–अर्डिनेटर बिमल डाँगी, सदस्यहरुमा संगीता थापा मगर, पुस्कर बराल र प्रेम सेन्चुरी छन् ।
नव निर्वाचित अध्यक्ष बुढा मगरले आफ्नो पहिलो प्राथमिकता न्यूयोर्कमा कला गृहको निर्माण र संगीत स्कूलको स्थापना भएको बताए । अमेरिकाका सबै शहर तथा राज्यमा कलाकार संघको स्थानीय च्याप्टर गठन गर्न पहल गर्ने पनि उनले उल्लेख गरे ।