संयुक्त राष्ट्र संघका महासचिव वान कि मुनका प्रवक्ता स्टेफेन डुजारिक

संयुक्त राष्ट्रसंघका महासचिव वान की मुनले नेपाल-भारत सीमामा भएको अवरोध अविलम्ब हटाउन आग्रह गरेका छन् ।

भूपरिवेष्ठित राष्ट्रले पाउनु पर्ने स्वतन्त्र पारवहनको अधिकार र मानवीय कारणले समेत अविलम्ब नाकाबन्दी हटाउन महासचिव वानले सम्बन्धित सबैपक्षलाई आग्रह गरेका हुन् ।

मंगलबार न्यूयोर्कमा आयोजित पत्रकार सम्मेलनमा महासचिव वानका तर्फबाट बोल्दै प्रवक्ता स्टेफेन डुजारिकले नेपालमा अत्यावश्यक वस्तु र सेवाको आपूर्तिमा अवरोध भएको प्रति ध्यानाकर्षण भएको दोहोर्‍याए ।

उनले इन्धनको आपूर्ति नहुँदा भूकम्प प्रभावित हिमाली क्षेत्रमा खाद्दान्न आपूर्ति गर्न, जाडो बढ्दै गएका बेला लत्ता कपडा पुर्‍याउन र आवास निर्माणका लागि समेत वाधा पुगेको बताए ।

नेपालमा अत्यावश्यक वस्तु र सेवाको अभाव भएकाले मानवीय कारणले पनि नाकाबन्दी अविलम्ब हटाउन महासचिवले आग्रह गरेको उनले बताएका थिए ।

प्रतिकृया दिनुहोस