थप समाचारबुधबार, कार्तिक २५, २०७२

मधेशी मोर्चाद्वारा मालवाहक गाडी तोडफोड र आगजनी

हिमालखबर

मधशी मोर्चाका कार्यकर्ताले २४ कात्तिक राति वीरगञ्जको सुख्खा बन्दरगाहा (ड्राईपोर्ट) बाट गन्तव्यतर्फ जाँदै गरेका मालबाहक गाडीमा पेट्रोल बम प्रहार गरेका छन् ।

सिर्सिया ड्राईपोर्ट–परवानीपुर सडकखण्डको भवानीपुर चोकमा उनीहरुले सवारी साधनमा तोडफोड गर्नुको साथै पेट्रोल बम समेत प्रहार गरेका हुन् ।

मोर्चाका कार्यकर्ताले हानेको ढुङ्गाले लागेर तीनवटा गाडीको सीसा फुट्नुको साथै एउटा गाडीमा पेट्रोल बमबाट केही क्षति भए पन िआगो सल्किन पाएन ।

त्यस्तै आन्दोलनकारीहरुको अर्को समूहले घण्टाघर–माईस्थान क्षेत्रमा एउटा ट्रकमा आगजनी गरेका छन् ।

समान लोड गरिरहेको अवस्थामा आन्दोलनकारीहरुको समूहले ट्रकमा आगजनी गरेका हुन् । ट्रक आशिंक रुपमा जलेको छ ।
त्यस्तै घडीअर्वा क्षेत्रमा आन्दोलनकारीहरुले ३ वडा गाडीमा तोडफोड गरेका छन् ।

पछिल्लो एक सातादेखि स्थानीय प्रशासनले सुख्खा बन्दरगाहमा अलपत्र रहेका मालसमानहरु प्रहरी सुरक्षामा गन्तव्यतर्फ पठाईरहेको छ ।

भन्सारमा रेलमार्ग हुँदै तेस्रो मुुलुकबाट आएका १ लाख १५ हजार क्वीन्टल भन्दा बढी समान थन्किएका छन् ।

सप्तरीमा ट्रकमा आगजनी
सप्तरीको भारदहमा पनि मधेशी मोर्चाका कार्यकर्ताले मालबाहक ट्रकमा आगो लगाएका छन् ।

पूर्व पश्चिम राजमार्ग अन्तर्गत भारदह १ स्थित कोशी व्यारेजमा मैदा बोकेको ना.५ख ९१६२ नम्बरको ट्रकमा २३ कात्तिक राति मोर्चाका कार्यकर्ताले आगो लगाएकोे प्रहरीले जनाएको छ ।

स्थानीय प्रशासनले सप्तरीको पूर्व पश्चिम राजमार्गमा साँझ ६ बजेदेखि बिहान ७ बजेसम्म दंगाग्रस्त क्षेत्र घोषणा गरी सवारीसाधनलाई सुरक्षा दिई पार गराउने गरे पनि मोर्चा कार्यकर्ताबाट हुने आक्रमण रोक्न पूर्ण सफल भएको छैन ।

सुरेश विडारी, वीरगञ्ज / श्रवणकुमार देव, राजविराज

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...