प्रधानमन्त्री केपी शर्मा ओलीले अर्को वर्ष हिउँदमा लोडसेडिङ नहुने दाबी गरेका छन् ।

सरकारले विद्युत उत्पादनलाई उच्च प्राथमिकतामा राखेर काम गर्ने भन्दै ओलीले एक वर्षभित्रै नेपाललाई लोडसेडिङ मुक्त बनाउने बताए ।

वुधवार पाँचथरको रविमा किराँत धर्म गुरु फाल्गुनन्दको १३१ औं जन्म जयन्ती समारोहमा सहभागी भएका ओलीले देशलाई लोडसेडिङ मुक्त बनाउने स्पष्ट कार्ययोजना सहित सरकार अघि बढिरहेको दाबी गरे ।

उनले अहिले मुलुक चरम संकटबाट गुज्रिरहेकोले समाधानका लागि सवै नेपाली एक भएर लाग्नु पर्ने वताए पनि भारतीय नाकावन्दीका बारेमा भने केही बोलेनन् ।

आजै पाथिभरा देवीको दर्शन गरेर ओली राजधानी फर्कने कार्यक्रम छ ।

नेपाली सेनाको हेलिकप्टरमा प्रधानमन्त्री ओलीसँगै प्रधान सेनपाति राजेन्द्र क्षेत्री पूर्व सभामुख सुवास नेम्वाङ र कानुन तथा न्याय मन्त्री अग्नि खरेलले पनि पाँचथर र ताप्लेजुङको भ्रमण गरेका छन् ।

प्रधानन्त्रीले पाथिभरा जाने मोटरबाटो कालोपत्रे गर्ने र केबलकार निर्माण समेत लाई प्राथमिकतामा राख्ने बताए ।
लक्ष्मी गौतम, पाँचथर

प्रतिकृया दिनुहोस