अमेरिकी राष्ट्रपति बाराक ओबामाले नेपालको एकता, समृद्धि र विकासका लागि अमेरिका सँधै प्रतिवद्ध रहेको बताएका छन् ।

प्रधानमन्त्री केपी शर्मा ओलीलाई नेपालका प्रधानमन्त्रीमा निर्वाचित भएकोमा बधाई सन्देश पठाउँदै ओबामाले प्रजातान्त्रिक संस्थाहरुलाई सुदृढ गर्न लागेको नेपालसँग काँधमा काँध मिलाएर हिँड्ने विश्वास दिलाएको परराष्ट्र मन्त्रालयले जारी गरेको विज्ञप्तिमा उल्लेख छ ।

नवनियुक्त अमेरिकी राजदूतले प्रधानमन्त्री ओलीलाई हस्तान्तरण गरेको सन्देशमा राष्ट्रपति ओबामाले अमेरिकी जनताले गत वैशाख १२ गतेको विनाशकारी भूकम्पबाट उठ्न लागेको नेपालको आर्थिक वृद्धि प्रयासका लागि पनि सहयोग गर्ने उल्लेख छ ।

सन्देशमा भनिएको छ –“संयुक्त राज्य अमेरिका नेपालको दीर्घकालीन आर्थिक वृद्धि प्रयासका रुपमा शताब्दी चुनौती संस्था९मिलेनियम च्यालेन्ज कर्पोरेसन०लाई नेपाल सरकारसँग मिलेर निरन्तरता दिन चाहन्छ ।”

प्रतिकृया दिनुहोस