भारतीय प्रधानमन्त्री नरेन्द्र मोदीको बेलायत भ्रमणका क्रममा लन्डनका सडकमा नेपालीहरुले उनीविरुद्ध गरेको प्रदर्शनबाट भ्रमण टोली चकित भएको छ ।

नेपालीहरुको प्रदर्शनबाट चकित भएको भारतीय प्रधानमन्त्री कार्यालयले लन्डनस्थित भारतीय उच्च आयोगलाई बेलायती समाजमा नेपाली प्रभाव र प्रदर्शनकारीको संख्याबारे प्रतिवेदन पेश गर्न भनेको छ ।

लन्डनको १० डाउनिङ स्ट्रिटमा मोदी पुगेलगत्तै प्रदर्शनकारीहरुले उनी विरुद्ध नाराबाजी गरेका थिए । लन्डन स्क्वायरस्थित महात्मा गान्धीको शालिकमा माल्यार्पण गर्न पुगेका मोदी र बेलायती प्रधानमन्त्री क्यामरुनले नेपालीले गरेको नाराबाजी सुनेका थिए ।

त्यसबेला भारतका राष्ट्रिय सुरक्षा सल्लाहकार अजित डोभलले ‘रिमुभ ब्लकेड’ लेखेका प्लेकार्ड बोकेर ‘ब्याकअफ इन्डिया,’ भन्दै नारा लगाइरहेका प्रदर्शनकारीलाई देखेका थिए ।

प्रदर्शनकारीहरुले मोदीलाई बेलायतमा रातो कार्पेट ओछ्याएर स्वागत गरिएकोमा विरोध गर्दै बेलायती प्रधानमन्त्री क्यामरुनले भारतले नेपालमा लगाएको नाकाबन्दी हटाउन दबाब दिनुपर्ने माग गरिरहेका थिए ।

“गुजरात दंगाविरुद्ध र सिख समुदायको प्रदर्शन अपेक्षित भए पनि, नेपालीहरुको प्रदर्शनले हामी चकित भएका छौं । उच्च आयोगले प्रतिवेदन पठाउने छ,” स्रोतले भन्यो ।

इन्डियन एक्स्प्रेसबाट साभार

प्रतिकृया दिनुहोस