वीरगन्जस्थित आफ्नो पार्टी कार्यालयमा भएको आक्रमणप्रति नेकपा एमालेले निन्दा र भत्र्सना गरेको छ ।

आन्दोलनका नाममा योजनाबद्ध रूपमा पार्टी कार्यालयमा आक्रमण गरिएको भन्दै एमालेले कार्यालयमा भएको तोडफोड र आगजनीमा संलग्नलाई तत्काल पक्राउ गरी कारबाही गर्न समेत माग गरेको छ ।

“शान्तिपूर्ण आन्दोलनबाट आफ्ना माग राख्न सकिने प्रशस्त बाटा हुँदाहुँदै अपराधीका ढङ्गबाट गतिविधि सञ्चालन गर्नु गैरराजीतिक हर्कत हो”–एमालेका केन्द्रीय प्रचार विभाग प्रमुख तथा सचिव योगेश भट्टराईद्वारा आज जारी विज्ञप्तिमा उल्लेख गरिएको छ ।

मधेशी मोर्चाका कार्यकर्ताले आज, २८ कात्तिकमा एमालेको वीरगञ्ज जिल्ला पार्टी कार्यालयमा तोडफोड र आगजनी गरेका थिए ।

यसअघि वीरगञ्ज एमालेले पार्टी कार्यालयमा चियापानको आयोजना गर्ने कार्यक्रम सार्वजनिक गरेलगत्तै मोर्चाले विज्ञप्ति निकालेरै ‘चियापानका नाममा आन्दोलन विरोधी गतिविधि’ गर्न लागेको भन्दै आपत्ति जनाएको थियो ।

प्रतिकृया दिनुहोस