ट्वीटर प्रयोगकर्ताहरुले चलाएको ‘नेपाल चोक्ड बाई इण्डिया’ अहिले वल्र्डवाइड ट्रेन्डिङमा छ ।

नेपालमा भारतले लगाएको नाकाबन्दी विरुद्ध पाकिस्तानीले ट्वीटर प्रयोगकर्ता शुरु गरेको ‘नेपाल चोक्ड बाई इण्डिया’ पाकिस्तानमा एक नम्बरमा ट्रेन्ड गरिरहेको छ भने विश्वमा १० नम्बरभित्र परेको छ ।

यसअघि भारतीय नाकाबन्दीको विरोधमा ‘इन्डिया ब्लकेड्स नेपाल’ एक नम्बरमा ट्रेन्ड गरेको थियो भने ‘डोनेट ओयल टू इन्डियन एम्बेसी’ १० नम्बरभित्र परेको थियो ।

भारतले नेपालमाथि नाकाबन्दी गरेपछि इन्धनको चरम संकट भएको छ, औषधि लगायतका अत्यावश्यक वस्तुको आपूर्ति रोकिंदा अस्पतालमा शल्यक्रियामा कटौति भएको छ, भूकम्पपछिको पुनर्निर्माण हुन सकेको छैन ।

त्यसैगरी उद्योग, शैक्षिक संस्था र कलकारखाना बन्द भएका छन् । अर्थतन्त्र डामाडोल भएको छ ।

प्रतिकृया दिनुहोस