झापाको गौरादह नगरपालिका– १२ स्थित ग्वाल्डुब्बाबाट जुवा खेल्ने नौ जनालाई प्रहरीले पक्राउ गरेको छ ।

स्थानीय टंक सिटौलाको घरमा ढोका थुनी जुवा खेलीरहेको अवस्थामा प्रहरीले उनीहरुलाई पक्राउ गरेको जिल्ला प्रहरी कार्यालय झापाका प्रहरी नायब उपरीक्षक भीमबहादुर दाहालले बताए ।

प्रहरीले गौरादह–१२ का भानुभक्त अधिकारी (५२), नारायण कार्र्की (६०), पर्शुराम चाम्लिङ (३०), गगन भुजेल (४४), उपेन्द्र झा (४३), सुमन कार्की (२१), गोबिन्द राउत (२८), कमल राउत (४९) र अंकित कार्की (३०) लाई पक्राउ गरेको हो ।

स्थानीयका अनुसार सिटौलाको घरमा यस अघि पनि पटक पटक जुवाको खाल चलिरहन्थ्यो ।

प्रतिकृया दिनुहोस