तुलसीपुरको ट्याक्सी बसपार्कमा यात्रुले छोडेर गएको झोला र त्यसमा राखिएको नगद तथा सुन पीडित यात्रुलाई फर्काइएको छ ।

सल्यानबाट तुलसीपुर ट्याक्सी बसपार्कमा ओर्लेर पश्चिम दाङतर्फ जान लागेकी शान्तिनगर–७ की २८ वर्षीया गङ्गा वलीले २ मंसीरमा जिपमा चढ्ने क्रममा बसपार्कमै छोडेको ब्याग, नगद तथा सुन प्रहरीले आज ३ मंसीरमा फिर्ता गरेको हो ।

सो ब्याग अस्थायी प्रहरी पोस्ट तुलसीपुर बसपार्कका इन्चार्ज प्रहरी सहायक निरीक्षक रामप्रसाद चौलागाईंले जाँच गर्न गएका बेलामा फेला पारेका थिए ।

ब्यागभित्र एउटा मोबाइल, उनको नागरिकता, चार हजार ३३० रुपैयाँ नगद र चार आनाको सुनको जन्तर रहेको जानकारी सञ्चारकर्मीलाई जानकारी गराइएको थियो ।

सोही मोबाइलबाट आफन्तकहाँ फोन गरेर ती महिलालाई सामान फिर्ता गरिएको हो । सामान फिर्ता पाएपछि तिनले प्रहरीलाई धन्यवाद दिएकी छिन् ।
रासस

प्रतिकृया दिनुहोस