मधेशी मोर्चाका कार्यकर्ताले मोरङमा करिब एक दर्जन गाडी तोडफोड गरेका छन् ।

विराटनगरको पूर्वी भागसँग जोडिएको कटहरीस्थित नेशनल सिमेन्ट उद्योगको परिसरमा रोकेर राखिएका आठवटा ट्रक, दुई मोटरसाइकलका साथै कार्यालयमा समेत मोर्चाका कार्यकर्ताले तोडफोड गरेका हुन् ।

त्यस्तै कटहरीको नहरमा बिरामी बच्चा बोकेको को१च ७९९७ नम्बरको एम्बुलेन्समा पनि तोडफोड भएको जिल्ला प्रहरी कार्यालय मोरङले जनाएको छ ।

बिरामी बच्चालाई बोकेर विराटनगर आउँदै गरेको एम्बुलेन्समा मोर्चाका कार्यकर्ताले तोडफोड गरेको प्रहरी नायब उपरीक्षक प्रमोद खरेलले बताए ।

खरेलका अनुसार बन्द तथा तोडफोडमा संलग्न आठजनालाई नियन्त्रणमा लिइएको छ ।

प्रतिकृया दिनुहोस