नेकपा एमालेका बरिष्ठ नेता माधवकुमार नेपालले भारतीय प्रधानमन्त्री नरेन्द्र मोदीले आफैंले बोलेको कुरा लत्याएको बताएका छन् ।

पूर्वप्रधानमन्त्री नेता नेपालले भने, “नेपालको संसदमा बुद्ध, जानकी र सगरमाथाको देशसँगको लामो मित्रता छ भनी व्याख्या गरेका भारतीय प्रधानमन्त्रीले अघोषित नाकाबन्दी लगाएर नेपाली जनतालाई दुःख दिएका छन् ।”

जुम्लामा आयोजित कार्यक्रममा उनले नाकाबन्दी अहिलेको प्रमुख चुनौती भएकाले यसको समाधानलाई वर्तमान सरकारले पहिलो प्रथामिकता दिनुपर्ने बताए ।

कर्णालीको पानी, जडीबुटी, खाद्यान्न र मौलिक संस्कृतिलाई उपयोग गरी अधिकतम फाइदा लिन पनि उनले कर्णालीवासीसँग आग्रह गरे ।

प्रतिकृया दिनुहोस