मधेशी मोर्चाले सुनसरीको दुहबीमा बिरामी बोकेको एम्बुलेन्स तोडफोड गरेको छ ।

विराटनगरबाट संखुवासभाका सारध्वज तामाङलाई लिएर ५ मंसीर दिउँसो धरान जाँदै गरेको को १ च ४६१५ नम्बरको एम्बुलेन्समा मोर्चाका कार्यकताएले आक्रमण गर्दा चालक विराटनगर उमनपा –११ का आनन्द विक घाइते भएका छन् ।

घाइते विकको दाहिने आँखामा गहिरो चोट लागेको छ ।

उनको सिटी अस्पताल विराटनगरमा उपचार भैरहेको इलाका प्रहरी कार्यालय दुहबीका प्रहरी निरीक्षक शिव पोखरेलले बताए ।

मोर्चाका कार्यकर्ताले हिजो ४ मंसीरमा पनि मोरङको रंगेलीबाट विराटनगर आउँदै गरेको को १ च ७३७९ नम्बरको एम्बुलेन्सलाई कटहरी– ४ मा आक्रमण गरेका थिए ।

यसैविच झापा, मोरङ, सुनसरीलाई टुक्र्याउन नपाइने माग गर्दै नागरिक संघर्ष समितिले आज अपराह्न दुहबी बजारमा निकालेको बृहद सद्भाव र्‍यालीमा मोर्चाका कार्यकर्ताले ढुंगा हानेपछि दुहबी बजार तनावग्रस्त भयो ।

दुवै पक्षबीच झडप हुन थालेपछि भीडलाई नियन्त्रणमा लिने क्रममा प्रहरीले ६ राउण्ड हवाइ फायर गर्नुपरेको प्रहरी निरीक्षक पोखरेलले बताए ।

र्‍यालीमा आक्रमण गरेको आरोपमा प्रहरीले दुहबी भलुवा घर भएका संघीय समाजवादी फोरम नेपालका केन्द्रीय सदस्य रञ्जित गोस्वामी र फोरमका कार्यकर्ता मुन्ना साहलाई गिरफ्तार गरेको छ ।

सुनसरीलाई प्रदेश नम्बर १ मै राख्नु पर्ने माग गर्दै नागरिक समाजले निकालेको सद्भाव ¥यालीमा विभिन्न राजनीतिक दल, सामाजिक संघ संस्थाका प्रतिनिधि र हजारौं सर्वसाधारण सहभागी थिए ।

शेखर ढकाल, सुनसरी
मोर्चाद्वारा १८ महिने बिरामी बालिका चढेको एम्बुलेन्स तोडफोड

प्रतिकृया दिनुहोस