मधेशी मोर्चाले ५ मंसीरदेखि राजमार्ग केन्द्रित आन्दोलन शुरु गरेको छ ।

सप्तरीको बिभिन्न ठाउँमा धर्ना दिएर आन्दोलनकारीले राजमार्ग अवरुद्व पारेका छन् । मधेशी मोर्चाको आन्दोलनलाई थरुहट/थारुवान संयुक्त संघर्ष समिति र मुस्लिम संघर्ष गठबन्धनले पनि समर्थन गरेका छन् ।

बन्दका बेला पनि प्रहरीले सुरक्षा दिएर सवारीसाधनहरु गन्तब्यतर्फ पठाइरहेकाले राजमार्ग पूरै ठप्प पार्न भन्दै धर्ना फेरि शुरु गरिएको मधेशी मोर्चा सप्तरीले जनाएको छ ।

सप्तरीको भारदहमा ५ मंसीर राति अबेरसम्म ठूलो संख्यामा आन्दोलनकारीहरु धर्नामा बसेका छन् । त्यसैगरी रुपनी, कदमाहा र कल्याणपुरमा पनि राजमार्गमा अवरोध गर्दै धर्ना बसेका छन् ।

यसैबीच मोर्चाका कार्यकर्ताले भारदहमा प्रहरीको गाडीको सिसा फुटाएका छन् । प्रहरीको ना १ झ १२५४ नम्बरको गाडीको अगाडिको सिसा मोर्चा कार्यकर्ताको ढुंगा प्रहारबाट फुटेको हो ।

श्रवणकुमार देव, सप्तरी

प्रतिकृया दिनुहोस