संसद् बैठक अवरुद्ध पार्दै माेर्चामा अावद्ध सांसदहरु ।

संसद्‌मा दर्ता भएको संविधान संशोधन विधेयक पारित गराउनतिर लाग्न नेपाली कांग्रेसले मधेश केन्द्रित मोर्चालाई आग्रह गरेको छ ।

६ मंसीरको संसद् बैठकमा बोल्दै नेपाली कांग्रेसका कार्यबाहक सभापति रामचन्द्र पौडेलले संसद् अवरुद्ध गर्ने र मधेशमा आन्दोलन गर्ने भन्दा पनि संविधान संशोधन विधेयक पारित गराउनतिर लाग्न आग्रह गरेका हुन् ।

कांग्रेस सभापति सुशील कोइराला नेतृत्वको सरकारले संविधान संशोधन विधेयक दर्ता गरेका छन् । एक जिल्लामा कम्तिमा एक निर्वाचन क्षेत्र कायम हुनेगरी निर्वाचन क्षेत्र निर्धारण र समावेशी समानुपातिक व्यवस्था हुनुपर्ने विधेयक दर्ता भएको छ ।

संसद् बैठक स्थगित
प्रमुख प्रतिपक्षी दल नेपाली कांग्रेसका कार्यबाहक सभापति पौडेलले बोलेलगत्तै मधेश केन्द्रित दलका सांसदहरुले संसद् बैठक अवरुद्ध गरेका छन् । उनीहरुले रोष्टम घेराउ गरेपछि सभामुख ओनसरी घर्तीले बैठक स्थगित गरेकी छन् ।

उनले आगामी बैठक १० मंसीरमा बस्ने जानकारी गराएकी छन् ।

–कपिल भट्ट, काठमाडाैं

प्रतिकृया दिनुहोस