समाचारसोमबार, मंसिर ७, २०७२
झापा, मोरङ र सुनसरी टुक्राउन पाइँदैन भन्दै झापामा प्रदर्शन
झापा, मोरङ र सुनसरीलाई प्रदेश नं. १ बाट टुक्र्याउन नहुने भन्दै झापाको बिर्तामोडमा प्रदर्शन भएको छ ।
नागरिक समाज झापाको अगुवाइमा आयोजित प्रदर्शनमा सरकारमा सहभागी र बिपक्षी दलका जिल्ला प्रतिनिधि र सर्वसाधारणको सहभागिता थियो ।
¥यालीमा सहभागीहरुले ‘झापा, मोरङ र सुनसरीलाई टुक्रुयाउन पाइँदैन,’ ‘जनताको एकता जिन्दावाद,’ ‘हिमाल, पहाड, तराइ कोही छैन पराइ ’लगायतका नारा लगाएका थिए ।
जुलुशपछि आयोजित सभामा एमाले सांसद रबिन कोइराला र मनकुमार गौतम कांग्रेस सांसद सुधीर शिबाकोटी, एमाले झापाका अध्यक्ष चिन्तन पाठक, कांग्रेस झापाका सभापति उद्धब थापा, एमाओवादीका राजु आचार्य लगायतले झापा, मोरङ र सुनसरीलाई प्रदेश १ बाट नछ्ट्याउन माग गरे ।
उनीहरुले पूर्वी तराईका यि तिन जिल्लालाई आंशिक वा पूर्णरुपमा प्रदेश १ बाट अलग गरिए अर्काे द्वन्द्व शुरु हुने चेतावनी दिए ।
उता यिनै तीन जिल्ला समेतलाई २ नम्बर प्रदेशमा गाभ्नुपर्ने मागसहित मधेशी मोर्चाले शुरु गरेको आन्दोलनले एकसय दिन पुगुञ्जेल भएका प्रदर्शनमा तराईमा पचास जतिको ज्यान गइसकेको छ ।
गोपाल गडतौला ,झापा
प्रतिकृया दिनुहोस
ताजा अपडेट
हिमालखबर जनमत
