वीरगञ्ज पथलैया औद्योगिक करिडोर अन्तर्गत बाराको गढीमाई–१० नितनपुरस्थित युनिक फर्मास्यूटिकल्स् प्रालिको उद्योगमा अख्तियार अनुसन्धान आयोगले छापा मारेको छ ।

उद्योगले उत्पादन गरेका औषधिहरु गुणस्तरहिन भएको जनगुनासो बढेको भन्ने उजुरीका आधारमा केन्द्रबाट बारा आएको अख्तियारको टोलीले छापामारी अनुसन्धान शुरु गरेको हो ।

अख्तियारको टोलीले उद्योगले उत्पादन गरेका बिभिन्ने औषधीहरु भण्डारण गरेको गोदामबाट बिभिन्न प्रकारका औषधिको नमूना संकलन गरी परिक्षणका लागि क्षेत्रीय जन स्वास्थ्य निर्देशनालय हेटौंडा पठाएको छ । उद्योगको गोदाम सिल गरेको छ ।

युनिक फर्मास्यूटिकल्स् प्रालिबाट उत्पादित औषधिले बिरामीहरु निको नहुने, औषधिमा आवश्यक तत्वहरुको मिश्रण नहुने र उत्पादित केही औषधिहरु लुकाइएको भन्ने उजुरी परेपछि उद्योगबाट औषधिको नमूना, कागजात, कमप्यूटर सिस्टम नियन्त्रणमा लिइएको अख्तियारले जनाएको छ ।
श्याम गुप्ता, बारा

प्रतिकृया दिनुहोस