संघीय समाजवादी फोरम नेपालका अध्यक्ष उपेन्द्र यादवले जनमत संग्रहले मुलुकलाई झनै अप्ठ्यारोमा पार्ने बताएका छन् ।

उनले भने, “जनमत संग्रहले समस्याको हल गर्दैन । अहिलेको समस्या पूर्व र पश्चिमका पाँच जिल्ला होइन, चार जना नेताको हो ।”

अध्यक्ष यादवले पूर्वका दुई र पश्चिमका दुई नेता समस्या रहेको बताए । उनले जनमत संग्रहले उल्टो समस्या थपिने बताए ।

कांग्रेसले संसद्मा पेश गरेको विधयेकले मधेशको माग पूरा नहुने उनले बताए । यादवले भने, “माग पूरा नभएसम्म शान्तिपूर्ण, अहिंसात्मक र असहयोगात्मक आन्दोलन जारी रहन्छ ।”

प्रतिकृया दिनुहोस