तत्कालीन संविधानसभाका अध्यक्ष सुवासचन्द्र नेम्बाङले दशगजामा धर्ना बसेर मुलकमा नाकाबन्दी गर्नु गम्भीर अपराध भएको बताएका छन् ।

प्रेस चौतारी झापाले ९ मंसीर अपराह्न झापाको दमकमा आयोजना गरेको पत्रकार सम्म्मेलनमा नेम्बाङले भने, “अरु मुलुकमा भए दशगजामा धर्ना बस्नेलाई दुबै मुलुकले लखेट्थे ।”

नेम्बाङले नेपालको संविधान बढी समावेशी भएको र यसले सबैलाई समेटेको बताँउदै सबै पक्षलाई सहमतीमा आउन आग्रह गरे ।

उनले चीनसंँग पनि नाका चालु गरेर आपूर्ति सहज बनाउन ढिलो गर्न नहुने धारणा राखे ।

अर्काे प्रसंगमा नेम्बाङले एमालेले आफूलाई के जिम्मेवारी दिन्छ भनेर पर्खिरहेको बताए ।

उनले आफूले कानून ब्यवसायीको सांगठनिक जिम्मेवारी पाए पनि लिन तयार भएको बताएका थिए ।
गोपाल गडतौला, झापा

प्रतिकृया दिनुहोस