पर्सामा विस्फोटक पदार्थ बनाउन प्रयोग हुने ‘सोडियम सल्फाइड’ सहित एकजना पक्राउ परेका छन् ।

वीरगञ्ज–२८ मनियारीका जयप्रकाश साहलाई सशस्त्र सीमा सुरक्षा बेस क्याम्प अलौंले ९ मंसीर दिउँसो भारतबाट नेपालतर्फ ल्याउँदै गरेको ५० किलो सोडियम सल्फाइड सहित पक्राउ गरेको हो ।

साहलाई विष्फोटक पदार्थ सहित पक्राउ गरिएको सशस्त्र प्रहरी सीमा सुरक्षा बल पर्साका उपरीक्षक भीमबहादुर थापाले पुष्टी गरे ।

उनले भने, “सोडियम सल्फाईड सहित साहलाई पक्राउ गरिएको छ, उसले छाला कारखानाका लागि ल्याएको बताईरहेको छ । हामीले आवश्यक अनुसन्धानका लागि प्रहरीको जिम्मा लगाएका छौं ।”

विष्फोटक पदार्थको नमूना आवश्यक जाँचका लागि श्रीपुरस्थित बरख गणमा समेत पठाईएको उनले जानकारी दिए ।

पुल भत्काउने हल्ला चलिरहेको समयमा विष्फोटक पदार्थ बनाउने सामाग्री बोकेको पाईएकोले उनलाई पक्राउ गरेको सशस्त्र प्रहरी उपरीक्षक थापाले जनाए ।

पर्साका प्रहरी उपरीक्षक राजुबाबु श्रेष्ठले साह र साहसँगै फेला परेको पदार्थको बारेमा आवश्यक अनुसन्धान भैरहेको बताए ।
सुरेश बिडारी, विरगञ्ज

प्रतिकृया दिनुहोस