भारतीय जनता पार्टीका नेता विजय जोलीले नेपालको समस्याको साँचो काठमाडौंमै रहेको बताएका छन् ।

काठमाडौंमा आयोजित रिर्पाेटर्स क्लबको कार्यक्रममा जोलीले नेपालको समस्याको समाधान नयाँ दिल्लीसँग नभएको बताए । उनले भने, “नेपालीहरुको समस्या नेपालले नै सम्बोधन गर्नुपर्छ, यसको साँचो नयाँ दिल्लीसँग छैन ।”

नेपालमा भारत विरोधी गतिविधि बढ्दा दुख लागेको उनले बताए । जोलीले भने, “पेट्रोलियम पदार्थ, औषधि र खाना पकाउने ग्याँसको समस्या समाधान गर्न पहल गर्छु ।”

उनले नयाँ दिल्ली फर्किएपछि नेपालको समस्याबारे कुरा गर्ने बताए । जोलीले भने, “आफूसँगको भेटमा प्रधानमन्त्री केपी शर्मा ओलीले आफू भारत विरोधी नभएको बरु भारतको सच्चा भित्र भएको बताएको उल्लेख गर्नुभयो ।”

प्रतिकृया दिनुहोस