नेपालबाट भारततर्फ सुपारी तस्करी गरिरहेको समूहमाथि प्रहरीले गोली चलाउँदा झापाको बनियानीमा एक महिला घाइते भएकी छन् ।

सुपारी तस्करहरुहरुलाई रोक्न खोज्दा उनीहरुले प्रतिकार गरेपछि गोली चलाँउदा ११ मंसीर बिहान झापाको बनियानीमा ५५ वर्षीया द्रोपदी गणेश घाइते भएकी हुन् ।

तस्करहरुको समूहमा नरहेकी स्थानीय महिला गणेश विहान साढे ५ बजे शौचका लागि बसेका बेला उनीमाथि गोली लागेको स्थानीयले बताएका छन् ।

घाइते गणेशको भद्रपुरस्थित ओमसाई पाथिभरा अस्पताल भद्रपुरमा उपचार भइरहेको छ ।

गोली प्रहार गरेपछि तस्करहरु भारततर्फ भागेको र घटनास्थलबाट ४२ बोरा (करिब २२ क्विन्टल) सुपारी समेत बरामद गरेको जिल्ला प्रहरी कार्यालय झापाले जनाएको छ ।
गोपाल गडतौला, झापा

प्रतिकृया दिनुहोस