संयुक्त लोकतान्त्रिक मधेशी मोर्चाले प्रहरीको गोली लागे मृत्यु भएका तीन जनाको शवसहित बजार परिक्रमा गरेको छ ।

सप्तरीको राजविराजबाट निकालिएको शवयात्रा सिराहाको लहान हुँदै पुनःसप्तरी फर्काइएको छ । ५ मंसीरमा प्रहरीको गोली लागेर मृत्यु भएका तीन र एक जना करेन्ट लागेर मृत्यु भएकाको शवसहित बजार परिक्रमा गरिएको थियो ।

संघीय समाजवादी फोरम नेपालका अध्यक्ष उपेन्द्र यादव, सद्भावनाका अध्यक्ष राजेन्द्र महतो, तराई मधेश सद्भावना पार्टीका अध्यक्ष महेन्द्र राय यादवसहितका नेताहरुले श्रद्धाञ्जली दिएपछि शव यात्रा अघि बढाइएको थियो ।

रुपनीमा जमुनी मधेपुराका नागेश्वर यादव, भारदहमा डाढा–५, का बिरेन राम, राजविराज–१, का दिलिप साह र प्रहरीसँगको झडपपछि भागदौडका क्रममा करेन्ट लागी मृत्यु भएका जमुनी मधेपुराका शिवशंकर दासको अन्तिम दाहसंस्कार गरिएको हो ।

-श्रवणकुमार देव, राजविराज

प्रतिकृया दिनुहोस