शरद सि‌ंह र अनिल झाकाे मोर्चाले नेपाली कांग्रेसले आयाेजना गरेको कार्यक्रम बिथोलेको छ ।

कांग्रेस वीरगञ्ज नगर समितिले झण्डासहित कार्यक्रम आयोजना गरेको भन्दै मोर्चाले विथोलेको छ । आन्दोलन भाड्न कांग्रेस लागेकाले कार्यक्रम विथोलिदिएकोे मोर्चाका नेताहरुले बताएका छन् ।

मोर्चाले कांग्रेसको झण्डा र ब्यानरसमेत जलाएको छ । मोर्चाका नेता राजेशमान सिंहले भने, “हामी कालो झण्डा निकालेर आन्दोलन गरिरहेका बेला कांग्रेसले झण्डा प्रदर्शन गरेकाले जलाएका हौं ।”

माईस्थानबाट कांग्रेसले निकालेको प्रदर्शन मोर्चाले भाडेको थियो । यसैबीच, संयुक्त लाेकतान्त्रिक मधेशी मोर्चाले विज्ञप्ती जारी गर्दै कांग्रेसले आन्दोलन भाड्न घुसपैठ गर्न खोजेको आरोप लगाएको छ ।

–सुरेश बिडारी, बीरगञ्ज

प्रतिकृया दिनुहोस