धादिङको कालुपाण्डे मार्ग अन्र्तगत नलाङ–६ कालीदह नजिकै एक ट्रकमा बन्दको आह्वान गरेको चन्द माओवादीले आगो लगाएको छ ।

तस्वीर: सानुबाबु तिमिल्सिना

आगलागिबाट इँटा बोकेर धादिङवेसीतर्फ जाँदै गरेको ना ४ ख ७१३० नम्बरको ट्रक पूर्ण रुपमा ध्वस्त भएको छ ।

उक्त ट्रकलाई नलाङ ६ कालिदह नजिकै सिक्रे खोला भन्ने ठाउँमा केही व्यक्तिले रोकेर गाडीका चालकलाई ओराली आगजनी गरेको प्रत्यक्षदर्शीले बताएका छन् ।

ट्रकमा लागेको आगो नियन्त्रणका लागि तत्कालै घटनास्थल पुगेको नीलकण्ठ नगरपालिकाको दमकलमा प्राविधिक समस्या आएपछि आगो समयमै निभाउन सकिएको थिएन ।

दमकलको पानी फाल्ने पम्पमा समस्या आएपछि समयमै आगो निभाउन नपाउँदा ट्रक ध्वस्त हुन पुगेको हो ।

तस्वीर: सानुबाबु तिमिल्सिना

तस्वीर: सानुबाबु तिमिल्सिना

प्रतिकृया दिनुहोस