नेपाल र भारत बीचको दशगजामा भएका अतिक्रमण हटाउंदै पूर्वी क्षेत्रको सीमा स्तम्भ निर्माण र मर्मतको काम सात महिनाभित्र पूरा गर्ने दुई देशका अधिकारीहरु बीच सहमति भएको छ ।

विराटनगरमा भएको नेपाल र भारतका अधिकारीहरुको बैठकमा छिटोमा पाँच र ढिलोमा सात महिनाभित्र तीन जिल्ला जोडिएको सीमाको समस्या समाधान गरिने निर्णय भएको हो ।

मोरङका प्रमुख जिल्ला अधिकारी गणेशराज कार्कीले सुनसरीमा भारतीय सुरक्षाकर्मी प्रवेश गरी गोली प्रहार गरेकोे, झापामा एसएसबी हतियार सहित प्रवेश गरेको र जोगवनी नाकाबाट नेपाली प्रहरीको पेस्तोल खोसेको बारे पनि अनौपचारिक छलफल भएको बताए ।

भारत अररियाका प्रमुख जिल्ला अधिकारी (डिस्ट्रिक्ट म्याजिष्ट्रेट) हिमांशु शर्माले पनि छिट्टै सीमा स्तम्भको समस्या समाधान हुने बताए ।

मोरङ, सुनसरी, झापा तथा भारतको अररिया, सुपौल र किशनगञ्जका प्रमुख जिल्ला अधिकारी, एसएसबी र सशस्त्र प्रहरीका प्रमुख, नेपाल तर्फका राष्ट्रिय अनुसन्धान, भंसारका प्रमुख तथा दुबै देशका इन्जिनीयरहरुको बैठकमा सहभागिता थियो ।

बैठकमा भारत तर्फका तीन जिल्लाका १४ र नेपाल तर्फका २० जना अधिकारीको सहभागिता थियो ।
-कमल रिमाल, विराटनगर

प्रतिकृया दिनुहोस