पूर्वपश्चिम राजमार्ग अन्तर्गत सप्तरीको भारदहमा १५ मंसिर बिहान प्रहरी सुरक्षामा रहेको बस दुर्घटना हुँदा नौ जना घाइते भएका छन् ।

घाइतेमध्ये दुई जनाको अवस्था गम्भीर छ ।

यात्रु ओराल्नका लागि रोकेको एक बसलाई पछाडिबाट अर्काे बसले ठक्कर दिएपछि दुर्घटना भएको हो ।

दुर्घटनामा घाइते भएकाहरुलाई उपचारका लागि विराटनगर पुर्‍याइएको सप्तरी प्रहरीले जनाएको छ ।

काठमाडौंबाट काकडभिटातर्फ जाँदै गरेको ना.५ख ४०४० नम्बरको बस यात्रु ओराल्नका लागि रोकेको अवस्थामा पोखराबाट धरानतर्फ जाँदै गरेको ना.५ख १६७७ नम्बरको बसले पछाडिबाट ठक्कर दिएको हो ।

घाइते हुने सबै यात्रु ना.५ख १६७७ नम्बरको बसको रहेको प्रहरीले जनाएको छ ।

दुर्घटनापछि ठक्कर दिने बसको अगाडिको भाग पूर्ण रुपले क्षतिग्रस्त भएको छ ।

यो बसलाई सशस्त्र प्रहरी बल दन्तकाली गण बरमझियामा राखिएको छ भने पछाडिको भाग क्षतिग्रस्त भएको ठक्कर खाने बस काकाडभिटातर्फ गएको इलाका प्रहरी कार्यालय भारदहले जनाएको छ ।

श्रवणकुमार देव, राजविराज

प्रतिकृया दिनुहोस