गैर–आवासीय नेपाली संघ (एनआरएनए) ले जनकपुर अञ्चल अस्पतालका लागि अत्यावश्यक औषधिहस्तान्तरण गरेको छ ।

तस्वीर: ईश्वरचन्द्र झा

एनआरएनएका अध्यक्ष शेष घले र संरक्षक कुलचन्द्र गौतमसहितको टोलीले आज, १५ मंसीरमा जनकपुर पुगी करिब रु. ७ लाख बराबरको ३८ प्रकारका औषधि जनकपुर अञ्चल अस्पतालाई हस्तान्तरण गरेको हो ।

घलेले औषधिको अभावमा उपचार सेवा प्रभावित हुन नहुने भन्दै एनआरएनएले अगामी दिनमा समेत आवश्यकता अनुसार औषधि सहयोग गर्ने प्रतिबद्धता जनाएका छन् ।

काठमाडौंबाट नेपाली सेनाको स्काई भ्यानमार्फत् ल्याईएको औषधी डाक्टर रामकेवल साह, रामनरेश पण्डीतसहित स्वास्थ्यकर्मी यूनियनका पदाधिकारीहरु समेतको उपस्थितिमा अस्पताललाई हस्तान्तरण गरिएको हो ।

डाक्टर रामनरेश पण्डितले अस्पतालमा औषधिको संकट रहेको बेला गैर–आवासीय संघले उपलब्ध गराएको औषधिले केही हदसम्म संकट टार्ने बताए ।

भारतको नाकाबन्दीले देशमा औषधिको अभाव भएपछि गैरआवासीय नेपाली संघले विदेशबाट हवाइमार्ग हुँदै औषधि मगाएर सहयोग गर्दै आएको छ ।
ईश्वरचन्द्र झा, जनकपुर

प्रतिकृया दिनुहोस