‘नेपालको संविधान जनताको संविधान, जनताको संविधान जनताको माझमा’ भन्ने नाराका साथ सरकारले संविधानको विशेषताको बारेमा जानकारी दिन एक महिना प्रचारात्मक कार्यक्रम गर्ने भएको छ ।

२१ मंसीरदेखि २२ पुससम्म चल्ने प्रचारात्मक कार्यक्रममा संविधानको विशेषताका साथै महिला, दलित, आदिवासी, जनजाति, अल्पसङ्ख्यक, मुस्लिम, मधेशी आदिको बारेमा संविधानले गरेको व्यवस्थालाई जनस्तरमा प्रचारप्रसार गर्ने कार्यक्रम छ ।

सूचना तथा सञ्चार प्रविधि मन्त्रालयमा सञ्चारमन्त्री शेरधन राईको उपस्थितिमा सञ्चार सचिव, सङ्घीय मामिला तथा स्थानीय विकास मन्त्रालयका सचिव र सञ्चारमन्त्रालयअन्तर्गतका विभागीय प्रमुखको भेटमा उक्त जानकारी दिइएको हो ।

२१ मंसीरमा प्रधानमन्त्री केपी शर्मा ओलीले उद्घाटन गर्ने एक महिने कार्यक्रम मुलुकभरका सबै जिल्ला, नगरपालिका र गाविसमा गरिने मन्त्रालयले जनाएको छ ।
रासस

प्रतिकृया दिनुहोस