भारतबाट भित्र्याइएको एक हजार दुईसय लिटर डिजल आन्दोलनकारीले पोखेर नष्ट गरेका छन् ।

पर्साको ठोरी नाकाबाट लु १ ख ५२५३ नम्बरको पिकअपमा लोड गरी चितवनतर्फ लैजाने क्रममा पर्साको मधवलमथवनमा रहेका आन्दोलनकारीले गाडी नियन्त्रणमा लिई डिजल नष्ट गरेका हुन् ।

आन्दोलनकारीले डिजल ओसार्न प्रयोग गरेको पिकअप जिपमा तोडफोड र चालकलाई कुटपिटसमेत गरेको जिल्ला प्रहरी कार्यालय पर्साले जनाएको छ ।

प्रतिकृया दिनुहोस