भारतमा स्थानीय निकायको निर्वाचन हुन लागेकाले नेपालगञ्ज–रुपैडिहा सीमा नाका दुई दिनका लागि बन्द गरिएको छ ।

भारतमा हुने स्थानीय ग्रामसभा निर्वाचनको सुरक्षालाई ध्यानमा राखी नाका भोली १९ मंसीर सम्मका लागि ‘सिल’ गरिएको हो ।

बाँकेका सहायक प्रमुख जिल्ला अधिकारी जगत बस्नेतका अनुसार १८ मंसीर बिहान साढे ९ बजेपछि नाकाबाट सवारी साधन आवातजावतमा पूर्ण रोक लगाइएको छ ।

भारतीय नम्बर प्लेटका मोटरसाइकलहरुलाई भने आज एकतर्फी रुपमा भारततर्फ जान दिएको र पैदल यात्रुलाई समेत आज आवतजावतमा रोक नलगाइएको जमुनाहा प्रहरीले जनाएको छ ।

भोली, १९ मंसीरमा भने नाका पूर्णरुपमा ठप्प हुनेछ ।
केशव राना, बाँके

प्रतिकृया दिनुहोस