नेकपा एमालेले पूर्व सभामुख सुवासचन्द्र नेम्वाङलाई पार्टीको स्थायी कमिटी सदस्यमा मनोनित गरेको छ ।

१८ मंसीरमा बसेको एमाले स्थायी कमिटी बैठकले नेम्वाङलाई स्थायी कमिटी सदस्य र  बरिष्ठ नेता माधवकुमार नेपाललाई पार्टी विदेश विभाग प्रमुखको जिम्मेवारी दिएको उपमहासचिव घनश्याम भूसालले जानकारी दिए  ।

बैठकले बरिष्ठ नेता झलनाथ खनाललाई नीति अध्ययन प्रतिष्ठानको जिम्मेवारी दिएको छ भने पूर्वाञ्चल प्रमुखमा पार्टी सचिव भीम आचार्यलाई नियुक्ति गरेको  छ ।

उपाध्यक्ष विद्या भण्डारी राष्ट्रपति बनेपछि आचार्यलाई पूर्वाञ्चल प्रमुख बनाइएको हो ।

एमालेले १७ मंसीरमा बसेको प्रमुख तीन दलबीच कायम सहमति अनुसार वार्ता प्रक्रिया अघि बढाउने निर्णय पनि गरेको छ । संसदमा पेश भएको संशोधन विधेयक अघि बढाउने र सीमाकंनबारे छलफल गर्दै जाने निर्णय तीन दलबीच भएको छ ।

त्यस्तै  आगामी २१ र २२ मंसीरमा चितवनमा राष्ट्रिय कार्यकर्ता भेला बोलाउने निर्णय समेत एमालेले गरेको छ ।

प्रतिकृया दिनुहोस