नेपाली कांग्रेसका वरिष्ठ नेता शेरबहादुर देउवाले मधेशीलगायत सबैको अधिकार सुनिश्चित गरिएको संविधान कार्यान्वयनमा मधेशी मोर्चाले अवरोध गरिरहेको आरोप लगाएका छन् ।

कांग्रेस निकट केन्द्रीय पर्यटन विभागको काठमाडौंमा भएको कार्यक्रममा देउवाले महिनौँदेखिको बन्द, हड्ताल र नाकाबन्दीका कारण जनताले सास्ती खेप्नु परेकाले जतिसक्दो चाँडो वार्ता, संवाद र सहमतिका आधारमा समाधान खोज्नुपर्नेमा जोड दिए ।
उनले आन्दोलन स्थगन गरेर वार्तामा आउन मधेशकेन्द्रित दललाई आग्रह गरे ।

देउवाले दलित, महिला, मुसलमान, मधेशीलगायत सदियौँदेखि उत्पीडनमा पारिएको समुदायको अधिकार नयाँ संविधानमा सुनिश्चित गरिएको भन्दै त्यसको कार्यान्वयनमा मधेशी मोर्चाले चुनौती खडा गरेको दाबी गरे ।

कार्यक्रममा बोल्दै कांग्रेसका नेता विमलेन्द्र निधिले एकले अर्कालाई आरोप–प्रत्यारोपभन्दा पनि मधेश आन्दोलनले ल्याएको नाकाबन्दी र त्यसले निम्त्याएको समस्या समाधान गर्न राजनीतिक दलबीच एकता हुनुपर्ने औँल्याएका थिए ।

प्रतिकृया दिनुहोस