पर्साको महादेवपट्टी–१ बलुवामा मधेशी मोर्चाका कार्यकर्ता र भारतबाट ग्यास ल्याइरहेको समूहबीच झडप भएको छ ।

झडपमा मोर्चाका दुई कार्यकर्ता स्थानीय शेख मोजिब र सुरेश दास घाइते भएका छन् ।

२२ मंसीर राति करिब ९ बजे भारतबाट ट्याक्टरमा राखेर ग्यास सिलिन्डर ल्याउँदै गरेको समूह र मधेशी मोर्चाका कार्यकर्ताबीच झडप भएको हो । भारतबाट ग्यास ल्याउँदै गरिएको सूचना पाएका मोर्चाका कार्यकर्ताहरुले ग्यास खोस्न पुगेपछि भएको झडपमा मोर्चाका कार्यकर्ताहरु घाइते भएका हुन् ।

ट्याक्टरमा रहेको १० सिलिन्डर ग्यासमध्ये मोर्चाका कार्यकर्ताहरुले दुईवटा आफ्नो नियन्त्रणमा लिन सफल भएका छन् भने ८ सिलिन्डर ग्यास उक्त समूहले आफूसँगै लगेको छ ।

वीरगञ्ज–रक्सौल नाका ठप्प भएपछि पर्साको ग्रामिण क्षेत्रका अन्य नाकाहरुबाट इन्धन तथा उपभोग्यवस्तुको तस्करी बढेको छ ।
सुरेश बिडारी, वीरगञ्ज

प्रतिकृया दिनुहोस