संयुक्त लोकतान्त्रिक मधेशी मोर्चाका कार्यकर्ताले धर्ना दिएपछि दिनभर अवरुद्ध हुने नेपालगञ्ज–रुपैडिहा नाका रातपरेपछि सञ्चालन हुँदै आएको छ ।

केही दर्जन संख्यामा धर्ना बस्ने मोर्चाका कार्यकर्ता घर फर्केपछि भारतीय पक्षले गाडी छोड्न थालेको प्रहरीले जनाएको छ । २१ मंसीरयता रात परेपछि नाका सञ्चालनमा आउन थालेको हो ।

गएराति उक्त नाकाबाट १२ डिजेल, ५ हवाई इन्धन, एक मट्टितेल बोकेको ट्यांकर र २८ मालबाहक गाडी नेपाल भित्रिएको जमुनहा प्रहरीले जनाएको छ ।
यसअघि, २२ मंसीर राति २ ट्यांकर डिजल, १ ट्यांकर हवाई इन्धन र ५८ अन्य मालबाहक गाडीहरु भित्रिएको थियो ।

सीमापारी ३० बढी इन्धनका ट्यांकरसहित डेढ सय बढी गाडीहरु रोकिएको प्रहरीले जनाएको छ ।

–केशव राना, बाँके

प्रतिकृया दिनुहोस