नेत्रविक्रम चन्द नेतृत्वको नेकपा माओवादीले गुल्मीमा दिउँसो मदिरा बेच्न प्रतिबन्ध लगाएको छ ।

माओवादीको चेतावनीपछि उद्योग बाणिज्य संघले दिउँसो मदिरा नबेच्ने निर्णय गरेको छ । संघले प्लाष्टिक बोतलको ७० यूपिको मदिरा विक्री बन्द गर्ने, दिउँसो खुद्रा मदिरा विक्री नगर्ने, १८ वर्ष मुनिका बालबालिकालाई नबेच्ने, लाइसेन्स नभएकाले मदिरा बेच्न नपाइने निर्णय गरेको छ ।

विप्लवका कार्यकर्ताले एक महीना अघि सूचना निकालेर मदिरा विक्रीमा कडाई गरेका थिए । आफ्नो सूचना उल्लंघन गरेको भन्दै सस्तो, न्यून गुणस्तरको र प्लाष्टिकको भाँडामा राखेर विक्री भएका मदिरा जफत गरी नष्ट गरेका थिए ।

मदिराले विकृती ल्याएकाले यो अभियान अन्तर्गत पहिलो चरणमा ७० यूपिको मदिरा बन्द गराइएको नेकपा माओवादीका जिल्ला सचिवालय सदस्य खिम खड्काले बताए ।

–गगनशिला खड्का, गुल्मी

प्रतिकृया दिनुहोस