थप समाचारबिहीबार, मंसिर २४, २०७२

नेपालगञ्जमा पेस्तोल सहित एक पक्राउ

हिमालखबर

katuwaबाँकेको नेपालगञ्जबाट कटुवा पेस्तोल र विभिन्न प्रकारका गोली सहित एकजना पक्राउ परेका छन् ।

२४ मंसीर बिहान नेपालगञ्ज–२६, मनिकापुरबाट ४० वर्षीय अशोककुमार बर्मालाई कटुवा पेस्तोल र गोलीसहित पक्राउ गरिएको कोहलपुर प्रहरीले जनाएको छ ।

त्यस्तै सोही ठाउँ बस्ने जगतराम लोनियाको घरबाट पनि बन्दुकको गोली बरामद भएको छ ।

जगतराम लोनिया चोरीमा संलग्न भएको आशंकमा यसअघि नै पक्राउ परिसकेका छन् ।

बर्माको घरबाट कटुवा पेस्तोलको गोली, एसएलआर र ३०३ राइफलको गोली ३ राउण्ड, भरुवा बन्दुकमा प्रयोग हुने फलामको छर्रा (गोली) ९० वटा बरामद भएको प्रहरीले जनाएको छ ।

त्यस्तै लोनियाको घरबाट सटगन गोली २ राउण्ड र फायर भएको ४ वटा खोका बरामद गरेको प्रहरीले जनाएको छ ।

त्यस्तै बर्माको साथबाट ट्वेल्भबोर पनि बरामद गरिएको इलाका प्रहरी कार्यालय कोहलपुर प्रमुख डिएसपी राजिवकुमार बस्नेतले जानकारी दिए ।

इप्रका कोहलपुर र सशस्त्र प्रहरी बल त्रिपुरा गण कोहलपुरको संयुक्त टोलीले तीन दिनदेखि मनिकापुरमा निगरानी गरिरहेको थियो ।

यस्तै यसअघि मनिकापुरबाटै चोरीमा संलग्न भएको आशंका गर्दै ९ जनालाई प्रहरीले पक्राउ गरेको थियो ।

पक्राउ परेकामध्ये ४ जनालाई तारेखमा छोडिएको र ५ जनामार्थि अनुसन्धान गरिरहेको डिएसपी बस्नेतले जानकारी दिए ।
केशव राना, बाँके

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...